செவ்வாய், 20 டிசம்பர், 2011

அவசர யுகத்தில் அவதியுறும் தாம்பத்தியம். பகுதி-01

காதல் திருமணம் தாம்பத்தியம் இவை எல்லாமே மனிதனால் உருவாக்கப்பட்டவை.இதில் தாம்பத்தியம் என்பது உடல் மனம் இரண்டுக்குமான சிகிச்சை.இதனால் மனிதனுக்கு கிடைக்கும் பயன்கள் ஏராளம்.ஆனால் இது இரண்டு மனங்கள் ஒத்து ஒருவரை ஒருவர் புரிந்து கொண்டு தாம்பத்தியம் கொள்ளும் போதுதான் இது சாத்தியம் ஆகும்.

நமது கலாச்சாரத்தின் படி இரண்டு மனங்களை இணைப்பதே திருமணமாகும்.இது தாம்பத்தியத்தின் மூலம் முழுமை அடைகிறது.தாம்பத்தியத்தின் மூலம் இருவரது உணர்வுகளும் சந்தோசங்களும் பகிர்ந்து கொள்ளப்படுகின்றன.கணவன் மனைவிக்கு இடையே தாழ்வு மனப்பான்மை கோபதாபங்கள் அனைத்தும் இந்த தாம்பத்தியத்தின் வாயிலாக மறைக்கப்படுகின்றது.

இவ்வளவு புனிதமான இல்லறத்திற்கு அவசியமான தாம்பத்தியம் தற்போது மாறிவரும் உலகில் கணவன் மனைவின்கிடையில் எந்த இடத்தில் உள்ளது?அதற்கெல்லாம் எங்கு நேரம் என்று கூறும் தம்பதியினரின் எண்ணிக்கை அதிகரித்து வருகிறது.பெயர் புகழ் பணம் சம்பாதிக்க நீண்ட துாரம் வேகமாக ஓட வேண்டிய கட்டாயத்தில் நாம் இருக்கிறோம்.அதனால் ஒருவருக்கொருவர் மனம் விட்டுப்பேச நேரம் கிடைப்பதில்லை.அந்த நேரங்களை தொழில்நுட்பங்களும் பொழுதுபோக்கு அம்சங்களும் விழுங்கி விடுகின்றன.

எதிர் வீட்டில் இருப்பவர்களை பற்றியோ பக்கத்து வீட்டில் என்ன நடக்கிறதோஎன்பதை அறிந்து கொள்ளாமல் இருப்பது ஒன்றும் தவறில்லை.ஆனால் தற்போது அவரவர் வீட்டில் என்ன நடக்கிறதென்பதே பலருக்கு தெரிவதில்லை.அதிகாலையிலே வேலைக்கு செல்வதும் நேரம் கழித்து வீடு வருவதும் பழக்கமாகி விட்டது.குடும்பத்திற்காகத்தான் உழைக்கிறார்கள் என்றாலும் பிள்ளைகளிடம் விளையாடி மகிழவும் வாழ்க்கை துணையுடன் நேரத்தை செலவிடவும் இயலாமல் போய்விடுகிறது.அதுபோலொரு பொன்னான நேரத்தை எவ்வளவு பணம் கொடுத்தாலும் திரும்பி பெற முடியாதென்பதை அவர்கள் உணர்வதில்லை


காலத்தின் சூழ்நிலையால் மனிதன் இயந்திரமாகிவிட்டான்.சக்கரம் சக்கரம் போல் சுழலும் அவனது வாழ்க்கையில் சற்று இழைப்பாறக்கூட அவனுக்கு நேரம் கிடைப்பதில்லை.இதனால் மனிதன் விரும்பும் பல நல்ல விடயங்களை அவன் அறியாது விடுகிறான்.இதில் தாம்பத்தியமும் ஒன்று.இது மிகவும் சிந்திக்க வேண்டிய விடயம்.

கணவன் மனைவி இருவருமே வேலைக்கு செல்லும் நிலை தற்போதள்ளது.ஒருவர் வேலை காரணமாக வெளியூர் சென்று கொணடிருப்பதும் மற்றவர் பணியில் மூழ்கி இரவு பகல் என பாராது உழைப்பதும் சாதாரணமாகி விட்டது.இதனால் கிடைப்பது என்ன? மிடுக்கான வாழ்க்ககை குழந்தைகளுக்கு தரமான கல்வி  வெளிநாட்டுப்பயணம் ஆடம்பர வாழ்க்கை என அனைத்தும் கிடைக்கும். ஆனால்.............இதுதான் வாழ்க்கையா?இதில் மனம் நிறைவு பெறுமா? சரி இவற்றுக்கெல்லாம் நாம் கொடுக்கும் விலை என்ன தெரியுமா? தாம்பத்திய வாழ்க்கை இதற்கு ஈடாகுமா?.....
                                                                                    மிகுதி தொடரும்...........
                                        

1 கருத்து:

  1. உங்கள் வலைப்பதிவு தலைப்பு நன்றாக இருகிறது. வாழ்த்துகள் நண்பரே

    பதிலளிநீக்கு